0
0
不少名幼例如St Catherine、學之園、Victoria今年N班都要求家長面試代替面試（或第一輪篩選）相信唔少家長都係拍片初哥，對於點拍片都係一頭霧水。我地BaMa-Channel就搵左專家教路，教大家拍片時要注意五大重點技巧！
💡1. 訂立拍攝Guideline 鋪排影片內容先後，避免千篇一律內容
Content is King!
係影片到係想睇到小朋友嘅性格、自理能力、溝通能力，
要透過短短幾分鐘片段表達出嚟，就需要構思好成段片點鋪排。
譬如話先自我介紹，再透過父母同小朋友溝通、玩遊戲既過程去表達小朋友嘅性格、語言能力，
抑或自我介紹之後緊接就展現小朋友嘅自理能力，去表達小朋友既性格呢？
因為每個小朋友嘅性格特性都唔一樣，建議父母構思好內容先去拍攝，
即使只想利用平日拍低既零碎片段湊合面試片出嚟，都要諗清楚想強調邊一部分，再訂下剪輯既先後次序。
最重要嘅就係，
💡2. 利用腳架拍攝 避免畫面搖晃
就算係老手，唔用腳架拍攝都難免會手震。
試問下學校要睇上千上萬既片，如果睇到震下震下既片會有咩感受？
真係會睇到暈呀🤢
用腳架固定器拍攝，就可以避免手震搞到人睇到頭暈喇！
💡3. 避免在背光下/射燈下拍攝 宜用Soft Light打燈
背光影出嚟嘅畫面唔靚之餘亦可能令到畫面唔清晰。
射燈下影出嚟既主角塊面就直情會黑左，完全睇唔到佢既表情
如果自然光唔足夠，就可以考慮打燈補足。
之但係拍攝面試片段就唔需要打Hard Light，即係唔使將燈光正面咁對住個鏡頭，
因為個燈光就會太強勁，最理想就係用Soft Light補足光源。
Soft Light即係點？例如係你想影正前向既BB，咁你可以將燈光（枱燈都一樣得）放係BB旁邊周圍既位置，
光線柔光自然之餘，畫面出黎就會清楚好多啦。
💡4. 統一橫向拍攝 給觀看者最佳視覺效果
通常大家都會習慣用手機以打直IG story格式拍攝短片
不過，學校老師一般會用電腦睇家長呈交嘅片段，
如果影片係統一以橫向拍攝，對用電腦睇片既老師黎講，呢個視覺效果就最方便舒適。
即使家長已經打直咁影左一堆生活片段，都唔緊要，最緊要係統一，唔好又直又橫就得喇！
💡5. 收音要清晰 留意環境雜音
用手機拍攝又好、相機拍攝都好，如果雜音太多，例如係電話鈴聲、車聲、狗吠聲、廚房煮飯聲，
就會聽唔清楚BB係片入面講緊乜，睇片既人都會因為雜音太多好難集中。
所以拍攝既時候就緊記要「全世界靜音」
下一次小編會為大家介紹幾個免費剪片APP，唔想錯過就記得：
即刻like https://www.facebook.com/hkbamachannel Follow https://www.instagram.com/hkbamachannel/
獲得最新既面試升學資訊、著數優惠
同你一齊係懷孕同育兒路上奔跑
