0
0
本文大綱
相信有不少人到多倫多後 (無論是讀書/工作/移民)都不會立即買樓，而選擇租樓。好處係加拿大的租屋相關的法律對租客保障很好，業主每年只能按政府定既指示加租, 不會出現獅子開大口的情況。另一方面租屋這邊一年生約，可趁這一年的時間，了解下這裏不同既社區。多倫多地方很大，如果你有車的話選擇很多，到時可以慢慢簡。
大家啱啱黎到應該都想儘快租到樓，安定下來，一來有個永久住址申請咩都方便點，二來租屋長遠肯定比Airbnb或酒店要便宜，以下我想分享一下喺多倫多租屋既一些策略
到埗前
網上攞第一印象
可預先到”房大師“，”加國無憂“，Rental.ca 等留意相關的房型 (其實不外乎一房, 兩房, 三房)，根據地區租金都有唔同，如果有車可以住遠少少 (Richmond hill, Markham 等等)。這樣大概可以知道每種房型在不同地方的價錢。
簡地點
近地鐵站
但由於香港車牌不能直接”套”牌，考車 (筆試及路試)都需要預約時間，買車又要等半年 (如果不想買二手車的話) 所以我都建議一開始可以住近d地鐵站。站與站之間大約係3-5分鐘車程。TTC full map
近超市，日用品店
文化不同，加上疫情，這裏的人基本上都係買野番屋企煮，出去食飯唔算好好食都起碼12-14蚊埋單，加埋稅13%，在全單加15%Tip，其實就唔係好抵，所以最好就近有超市，方便入貨同添置日用品，不過都要留意超市既類型，主要分中式、西式和韓式超市，例如你鐘意食西式野多就應該簡近西式超市，如此類推。
Hwart -> 韓式
準備好cv
租樓既過程其實同見工真係好似，例如你要準備一切文件說服你的業主租比你，例如你既身份證明文件、公司既證明信 (如有)、銀行戶口紀錄 ，以前既租屋屋主電話 (如有)，預備好叫你公司HR同舊屋主接電話 (如有)。這些文件可以增加業主對你交租能力既信心。
揾Agent幫手
建議第一次租樓點都揾Agent，因為要簽署文件很多，前前後後都有大約十份文件，有好多係政府文件，真係唔講唔知，Agent又可以車你地去睇樓，唔駛自己搭車過去。在多倫多租客揾盤係唔需要比佣，業主會比第一個月作為佣金，雙方Agent各佔一半。
攞定credit report (好重要好重要!!!)
加拿大租屋基本上係睇你既credit report做決定，但啱啱到埗一定無當地的credit report，這個時候可以攞你而家既credit report比業主做reference，會加好多分，香港可以向環聯Transunion申請, 但申請需時，要親自上環聯提取報告 (環聯取消了直接網上辦理的服務)
開定銀行戶口
一到埗第一件事即刻搞銀行戶口，因為租屋有好多野需要銀行戶口支援，例如支票簿、本票、e-Transfer等等。成交需要第一個月同最後一個月既本票，以及餘下十個月既支票 (Post-dated cheque)。
提前交租
當然，如果經濟許可，可以交多幾個月租，增加業主信心，另一方面也可作為減價的籌碼，向業主尋求租金折扣，例如你交多半年租，業主一方面增強信心，另一方面佢可以攞這半年租去做其他投資，而你也可以儘早入住單位減少租住酒店的支出，其實都未嘗不可。
期望大家好容易就租到屋租到樓!
