Category: 本地新聞

由2022年2月24日(星期四)起，香港市民出入表列處所需至少接種一針疫苗。如果還沒有接種第一針，仍可在以下情況之下獲豁免使用疫苗通行證： 12歲以下小童 持有醫生發出豁免證明 (注意: 確診者可獲豁免，需康復後起計180日才可以接種科興疫苗；復必泰則是90日) 購買或領取外賣食品 前往處所接受疫苗接種 參與法律程序 接受必要的政府服務 求診、接受診治或指明檢測 進行必須的修理工作 交付或領取物品 途徑商場回家 進入學校的中小學生 那麼在甚麼情況下會被查核疫苗通行證? 大致可分為以下兩類情況: 【需主動出示通行證】 顧客在進入餐廳及會址時需主動出示接種記錄或豁免證明書QR Code，再由處所負責人利用政府開發的驗證QR Code掃描器應用程式掃描QR Code，以核實通行證。 【執法人員查核】 執法人員有機會在以下處所，包括：商場、百貨公司、街市、超市、市集等，向顧客抽查疫苗通行證或豁免證明書。 【如何出示疫苗接種紀錄】 本地疫苗：1. 以「安心出行」、「智方便」或「醫健通」流動應用程式顯示的本地疫苗接種紀錄二維碼2. 印有二維碼的紙本本地疫苗接種紀錄 非本地疫苗/混合本地及非本地疫苗：1. 有關當局發出的紙本或電子疫苗接種紀錄2. 入境人士申報非本地疫苗接種紀錄時從邊境港口衞生處獲得的疫苗接種紀錄二維碼3. 在 18間指定郵政局完成申報非本地疫苗接種紀錄時獲得的疫苗接種紀錄二維碼

By Silvia

February 24, 2022February 25, 2022

1

第五波Omicron在新年後大爆發，無論急症室、私家診所抑或檢測中心的輪候人數都非常多。網上甚至出現幫人排檢測的「強檢代排隊」收費服務⋯⋯為協助香港人自救，大家可以留意以下四大要點，避免中招、省卻排隊檢測 1）留意是否有鄰居染疫有熱心網民Anthony Yuen整理確診大廈名單並建立了這個搜尋器，方便大家追查是否有同座或鄰居確診：https://comenc.ddns.net/m_public_health/?controller=confirms&action=show&dist=%E5%85%83%E6%9C%97 2）進行社區檢測中心網上預約以省卻檢測輪候時間https://booking.communitytest.gov.hk/form/index_tc.jsp 3）留意社區檢測中心預約情況，以了解各區檢測繁忙程度https://booking.communitytest.gov.hk/zh-HK/ 連結顯示了各區檢測中心的預約情況，如果預約已經額滿，到場輪候所需時間或較長，甚至無法walk-in 4) 留意急症室輪候時間：https://www.ha.org.hk/visitor/ha_visitor_index.asp?Content_ID=235504&Lang=CHIB5注意，無論是醫管局，抑或急症室醫生Dr Who 都建議輕症患者留在家中休息再等候送院或作其他安排，自行檢測陽性市民，不要到急症室求醫。Dr Who建議其他市民，如非必要請勿使用急症室，因急症室人手有限，院內病床比起平常的常態爆滿更加爆滿。請大家體諒前線醫護！ 5) 網購快速測試套裝以下網店都有出售快速測試套裝，惟貨源緊張，大家可不時留意網店補貨情況。建議大家小心選擇測試套裝的牌子，因為每間廠的準確度及認受性都不一，避免做了測試結果自己嚇自己。 屈臣氏網店 INDICAID妥析官網 萬寧 (暫時缺貨) HKTVMALL (大部分均缺貨)

By Silvia

February 10, 2022February 10, 2022

疫情爆發，爸爸媽媽均為需要檢測的3歲以下嬰幼兒四處張羅大便檢測樽。有需要家長須事先打去62756901預約，然後到衞生署指定地點幫3歲以下BB索取大便檢測樽。 有需要而無法透過採集鼻腔和咽喉合併拭子樣本的人士，亦可索取檢測樽。 若想避免排隊，而萬一小朋友有病徵，大家亦可在私家診所睇症，向家庭醫生索取糞便樣本瓶。 取樽時間為：星期一至五 : 早上9時至下午1時、下午2時至3時。 衞生署糞便樣本瓶派發點： 灣仔男性社會衞生科診所 香港灣仔皇后大道東 284 號 鄧志昂專科診療院 6 字樓 容鳳書皮膚科診所 觀塘茶果嶺道 79 號 容鳳書紀念中心 4 樓 九龍胸肺科診所 九龍亞皆老街 147A 地下 長沙灣皮膚科診所 九龍深水埗長沙灣道 303 號長沙灣政府合署 西九龍健康中心 3 字樓 仁愛胸肺科診所 新界屯門屯利街 6 號仁愛分科診所 2 樓 粉嶺社會衞生科 新界粉嶺璧峰路 2 號粉嶺健康中心 6 樓 尤德夫人兒童體智測驗中心及學童牙科診所 新界沙田插桅杆街 31-33號 相關文章：小朋友確診如何處理 | 即睇初陽病徵 + 六大須立即求診徵兆 – 詳解居家隔離方法+退燒藥物及大便檢測方法 相關文章：確診新冠肺炎後私家唔收症？ […]

By Silvia

February 8, 2022March 6, 2022

2022年優惠第一發! 網傳7仔元旦日朝早7點開始會做78折優惠! 大家要去7仔買野入貨就記得7點準時掃貨啦!記住呀，0000凌晨未開始優惠架，要去就朝早7點掃完先去食早餐喇!

By Silvia

January 1, 2022January 1, 2022

《新城勁爆頒獎禮2021》今年推出頒獎禮獎項嘅NFT （NFT即係數碼資產，呢啲資產會紀錄喺區塊鏈上，每一個都係獨一無二），每個得獎歌手都會得到一個專屬獎項嘅NFT，而粉絲今年都可以買同佢哋同款嘅獎項（刻有歌手名同得獎歌曲/獎項名）作紀念收藏。 即係話，如果Anson Lo嘅《Megahit》拎到歌曲獎，姜濤拎到男歌手獎，Edan拎到新人獎，你就可以買佢個個得獎獎項嘅NFT收藏！ 除咗同偶像擁有一模一樣嘅獎之外，每個NFT都有獨一無二嘅辨識碼，所以每個NFT都有佢嘅價值，隨時炒起! Ian IG最新嘅戴Cap帽馬騮頭像就係MonkeyKingdom出品嘅NFT，早排個價一個月就炒起咗100倍! 除咗NFT之外，今年新城同EventX合作搞免費直播，12月24號平安夜開始就接受登記，名額只限5萬個，鏡粉記得準時登記！ 《新城勁爆頒獎禮2021》NFT獎項紀念品及直播登記詳情： 發售日期：12月22日下午12時起在新城及 EventX平台公開發售 購買及預約連結：https://bit.ly/3EiDA4e **可在購買連結登記索取免費新城勁爆頒獎禮2021網上直播通行證** 售價： HKD $3,999 NFT獎項紀念品及送贈新城勁爆頒獎禮2021頒獎禮紅區現場門票兩張 HKD $300 NFT獎項紀念品及預約新城勁爆頒獎禮2021網上直播通行證 購買人士會在頒獎禮後 14日內收到電郵，可自由選擇下列《新城勁爆頒獎禮2021》得獎者之NFT 獎項紀念品一個： 勁爆歌曲 勁爆播放指數歌曲 勁爆年度歌手 勁爆演繹大獎 勁爆我撐歌手 勁爆我撐歌曲 勁爆我撐新人 勁爆人氣偶像 勁爆國語力歌曲 勁爆作曲 勁爆填詞 勁爆編曲 勁爆監製 勁爆專輯 勁爆男歌手 勁爆女歌手 勁爆樂隊 勁爆組合 勁爆突破歌手 勁爆新媒體歌曲 勁爆合唱歌 勁爆改編歌曲 勁爆唱作人 勁爆躍進歌手 勁爆新人 勁爆獨立音樂人 勁爆音樂製作

By Silvia

December 22, 2021December 22, 2021

係媽媽谷同網上都有好多人分享要準備啲咩新生嬰兒用品，作為新手媽媽嘅小編都唔小心以為跟住個list買就一定喺必需品，又或者真喺好好用，但一用上手就發現，原來唔喺好需要⋯⋯ 小編整理咗五大中伏嬰兒用品，等新手媽媽、孕媽媽可以了解清楚再決定買唔買啦! 未生之前就以為用溫度計度岩水溫度好重要。其實開水嘅時候用自己手踭感受溫度就最準確，暖暖地其實就好ok。湊初生手忙腳亂，唔需要買多樣野到時唔使用又要拎去送走俾人 好多新手媽媽都見到人推介話要買一個初生適用嘅揹帶，小編都唔例如，見人介紹就買咗Konny。雖然佢真係好輕便，但係有個唔好處就喺好易買錯size。因為佢喺Fix size，即係你啱L size，但如果你老公/屋企人身型大隻或者細粒過你，佢哋又唔啱用。當你用生之前嘅size去買，生完後瘦咗又會唔啱用⋯⋯ 最重要嘅喺，其實你好少帶初生BB出街。除咗去打針、去健康院，冇乜特別你都唔會帶佢出街，即使去公園曬下太陽，都會係推bb車方便好多。所以，用得著嘅時間好少。 冬天幫BB換片嘅時候總會好擔心凍親BB個patpat，衝動下就會買咗個暖濕紙巾機。其實，想簡單快捷，最直接就喺用乾棉加熟暖水抹pat，唔使等部機慢慢暖，又唔驚BB對濕紙巾敏感。 當BB發燒嘅時候，媽媽對於個溫度就會好著緊，就算差0.幾都會好擔心，有時就係差個少少唔知算唔算發燒！所以如果唔肯定個探熱針準唔準確，真係會好燥底，燥自己做乜唔買部準確嘅唔使估估吓。由於探額嘅範圍都可以好大，高啲定低啲都可以有落差，用紅外線探熱器就會令媽媽多咗一個「唔知咁度係咪準」嘅擔憂。加上去睇醫生、醫院都係用耳探，探齊左右耳就可以得到一個準確嘅數據，咁不如直接買一部耳探機，唔使浪費金錢買紅外線探熱器啦！ 小編都買咗一個！但係發現初生BB嘅屎片根本一啲都唔臭，根本冇需要一個額外嘅垃圾桶。然後到咗佢加固，啲屎的確臭咗好多，但係佢一日又冇換咁多片喎⋯⋯個垃圾桶容量好大，要儲到個垃圾桶滿又要幾日，仲更加唔衛生⋯⋯如果日日清理，日日換個膠袋，除咗唔環保之外，花費都唔少，因為要買返個垃圾桶品牌特制嘅膠袋先啱用🙈

By Silvia

December 8, 2021December 8, 2021

世界衞生組織建議以全人奶依哺BB出世至六個月，到六個月大，就需要慢慢加固，以滿足BB成長所需要嘅營養，並建議媽媽繼續餵哺BB人奶至兩歲或以上。 大家都知道人奶有抗體，對BB身體當然喺好。但係對BB嘅好處當然唔止抵抗傷風感冒咁簡單啦。以下八大好處對BB影響深遠，即刻睇清楚然後支持你身邊嘅母乳媽媽啦! 1. 減低過敏症（鼻敏感、濕疹及哮喘）風險 以母乳餵哺可大幅降低BB出現濕疹、哮喘、氣喘同鼻敏感嘅機會。若BB有過敏體質嘅BB，以母乳哺餵就可以避免發生由奶粉蛋白過敏所引起嘅腹瀉、腹痛、支氣管炎、哮喘、濕疹、嘔吐、生長不良等症狀。 香港過敏協會協會榮譽顧問譚一翔醫生指，由懷孕至BB兩歲喺預防敏感黃金1,000天，而牛奶就喺致敏原之一。若能喺BB出生首半年以全人奶餵哺，正正可以減低致敏風險外。據德國嘅研究顯示，BB首半年食人奶，減低出現敏感嘅效果可以維持到10歲。 2. 給予BB腸道益菌，減低患大腦及情緒疾病風險 香港中文大學醫學院院長陳家亮教授指出，腸道微生群會影響大腦及情緒，腸道壞菌擾亂大腦，引致抑鬱情緒，與抑鬱症、柏金遜症、腦退化症等有密切關係。 而三歲之前正正喺建立小朋友腸道益菌嘅黃金期，三歲後因發展已經定型就難以改變。BB喺媽媽肚中嘅腸道屬無菌狀態，由出生後經媽媽陰道及母乳獲得腸道細菌嘅寶寶，體質與飲用奶粉同剖腹產有天壤之別，患濕疹、自閉症、過胖症等等疾病嘅風險低很多。 因此，陳教授喺文中建議給予寶寶母乳餵哺培養益菌，把握三歲前嘅黃金期幫小朋友營造健康嘅腸道環境。 3. 來自母親嘅天然抗體，增強寶寶抵抗力 BB喺媽媽肚裡通過胎盤獲得媽媽嘅抗體，呢啲抗體喺BB約6個月大就會用哂。 初生BB嘅免疫力仲未發展成熟，自我製造抗體能力低，容易受到感染。母乳所含嘅天然抗體、活免疫細胞、酵素等， 正正就可以幫BB度過免疫力最少最艱難嘅時候，可以提高BB對傳染性疾病（如呼吸道感染、腸道感染、腸病毒或中耳炎……）嘅抵抗力。 外國有調查指出，全人奶同非人奶BB相比，BB未來罹患心臟血管疾病或肥胖等等嘅機會亦較低，可減低超重或肥胖症機率22%，甚至可降低糖尿病併發症機率37%。而全人奶BB死於肺炎嘅可能性喺前者15倍，死於腹瀉嘅可能性喺前者11倍。 外國亦有研究顯示，母乳餵哺嘅BB罹患疾病嘅風險較細，即使生病，佢哋嘅住院天數都比飲用奶粉嘅BB短。當BB生病嘅時候，佢哋嘅口水分泌會釋放相關物質，話俾媽媽嘅造奶機制自己生病了，令媽媽嘅母乳能夠分泌出可以對抗病菌幫BB打仗嘅乳汁。 特別喺早產、患病、黃疸嘅BB就更加需要母乳，母乳新鮮、溫度適中，可以避免飲用因沖奶粉過程中而出現嘅病菌感染，大大減低早產BB出現壞死性腸炎嘅風險。 4. 有助寶寶腦部發育、智力發展 母乳含有奧米加3脂肪酸（如DHA等）、牛磺酸（Taurine）等等嘅成份，可以幫助腦部及視力等發展。當BB埋身，同媽媽肌膚相親時，亦會釋放「愛的荷爾蒙」（催產素），幫助啟發BB情智，促進其腦部發展。 5. 促進BB口肌發育、提升語言能力 吸吮媽媽乳房時，BB需要運用舌頭力量去吸吮，這個動作可以訓練寶寶的口腔肌肉，減少出現牙齒咬合不正（如哨牙）。而且，口部肌肉發展良好，可減低BB日後出現鼻鼾及睡眠窒息症嘅機會，亦有助佢嘅語言發展。 6. 營養價值高並按BB需求調節 媽媽嘅身體會因應BB不同時期嘅成長需要，製造合適成分嘅人奶，俾BB最貼身、最佳嘅營養，幫助BB發育。當BB進入猛長期、吸啜更多嘅時候，母乳亦會自然分泌脂肪含量更多嘅乳汁，切合BB需求。 而日間同夜間嘅母乳分份亦有不同。研究顯示，夜晚分泌嘅母乳，當中嘅血清素同微量元素較多，有助BB入睡，可見母乳成份會按BB不同需求調節，營養價值成份非常高。 7. 增進親子關係 埋身可以促進BB同媽媽之間情感嘅交流，加強彼此連繫、親近。BB聽到媽媽嘅心跳，可以得到滿足感同安全感 8. 增強BB安全感，有益身心健康發展 埋身可滿足BB吸吮嘅本能，有助BB心理平衡及獲得安全感，亦可增加對人嘅信賴感。 

By Silvia

December 4, 2021January 8, 2022