Category 本地新聞

係媽媽谷同網上都有好多人分享要準備啲咩新生嬰兒用品，作為新手媽媽嘅小編都唔小心以為跟住個list買就一定喺必需品，又或者真喺好好用，但一用上手就發現，原來唔喺好需要⋯⋯ 小編整理咗五大中伏嬰兒用品，等新手媽媽、孕媽媽可以了解清楚再決定買唔買啦! 未生之前就以為用溫度計度岩水溫度好重要。其實開水嘅時候用自己手踭感受溫度就最準確，暖暖地其實就好ok。湊初生手忙腳亂，唔需要買多樣野到時唔使用又要拎去送走俾人 好多新手媽媽都見到人推介話要買一個初生適用嘅揹帶，小編都唔例如，見人介紹就買咗Konny。雖然佢真係好輕便，但係有個唔好處就喺好易買錯size。因為佢喺Fix size，即係你啱L size，但如果你老公/屋企人身型大隻或者細粒過你，佢哋又唔啱用。當你用生之前嘅size去買，生完後瘦咗又會唔啱用⋯⋯ 最重要嘅喺，其實你好少帶初生BB出街。除咗去打針、去健康院，冇乜特別你都唔會帶佢出街，即使去公園曬下太陽，都會係推bb車方便好多。所以，用得著嘅時間好少。 冬天幫BB換片嘅時候總會好擔心凍親BB個patpat，衝動下就會買咗個暖濕紙巾機。其實，想簡單快捷，最直接就喺用乾棉加熟暖水抹pat，唔使等部機慢慢暖，又唔驚BB對濕紙巾敏感。 當BB發燒嘅時候，媽媽對於個溫度就會好著緊，就算差0.幾都會好擔心，有時就係差個少少唔知算唔算發燒！所以如果唔肯定個探熱針準唔準確，真係會好燥底，燥自己做乜唔買部準確嘅唔使估估吓。由於探額嘅範圍都可以好大，高啲定低啲都可以有落差，用紅外線探熱器就會令媽媽多咗一個「唔知咁度係咪準」嘅擔憂。加上去睇醫生、醫院都係用耳探，探齊左右耳就可以得到一個準確嘅數據，咁不如直接買一部耳探機，唔使浪費金錢買紅外線探熱器啦！ 小編都買咗一個！但係發現初生BB嘅屎片根本一啲都唔臭，根本冇需要一個額外嘅垃圾桶。然後到咗佢加固，啲屎的確臭咗好多，但係佢一日又冇換咁多片喎⋯⋯個垃圾桶容量好大，要儲到個垃圾桶滿又要幾日，仲更加唔衛生⋯⋯如果日日清理，日日換個膠袋，除咗唔環保之外，花費都唔少，因為要買返個垃圾桶品牌特制嘅膠袋先啱用🙈

世界衞生組織建議以全人奶依哺BB出世至六個月，到六個月大，就需要慢慢加固，以滿足BB成長所需要嘅營養，並建議媽媽繼續餵哺BB人奶至兩歲或以上。 大家都知道人奶有抗體，對BB身體當然喺好。但係對BB嘅好處當然唔止抵抗傷風感冒咁簡單啦。以下八大好處對BB影響深遠，即刻睇清楚然後支持你身邊嘅母乳媽媽啦! 1. 減低過敏症（鼻敏感、濕疹及哮喘）風險 以母乳餵哺可大幅降低BB出現濕疹、哮喘、氣喘同鼻敏感嘅機會。若BB有過敏體質嘅BB，以母乳哺餵就可以避免發生由奶粉蛋白過敏所引起嘅腹瀉、腹痛、支氣管炎、哮喘、濕疹、嘔吐、生長不良等症狀。 香港過敏協會協會榮譽顧問譚一翔醫生指，由懷孕至BB兩歲喺預防敏感黃金1,000天，而牛奶就喺致敏原之一。若能喺BB出生首半年以全人奶餵哺，正正可以減低致敏風險外。據德國嘅研究顯示，BB首半年食人奶，減低出現敏感嘅效果可以維持到10歲。 2. 給予BB腸道益菌，減低患大腦及情緒疾病風險 香港中文大學醫學院院長陳家亮教授指出，腸道微生群會影響大腦及情緒，腸道壞菌擾亂大腦，引致抑鬱情緒，與抑鬱症、柏金遜症、腦退化症等有密切關係。 而三歲之前正正喺建立小朋友腸道益菌嘅黃金期，三歲後因發展已經定型就難以改變。BB喺媽媽肚中嘅腸道屬無菌狀態，由出生後經媽媽陰道及母乳獲得腸道細菌嘅寶寶，體質與飲用奶粉同剖腹產有天壤之別，患濕疹、自閉症、過胖症等等疾病嘅風險低很多。 因此，陳教授喺文中建議給予寶寶母乳餵哺培養益菌，把握三歲前嘅黃金期幫小朋友營造健康嘅腸道環境。 3. 來自母親嘅天然抗體，增強寶寶抵抗力 BB喺媽媽肚裡通過胎盤獲得媽媽嘅抗體，呢啲抗體喺BB約6個月大就會用哂。 初生BB嘅免疫力仲未發展成熟，自我製造抗體能力低，容易受到感染。母乳所含嘅天然抗體、活免疫細胞、酵素等， 正正就可以幫BB度過免疫力最少最艱難嘅時候，可以提高BB對傳染性疾病（如呼吸道感染、腸道感染、腸病毒或中耳炎……）嘅抵抗力。 外國有調查指出，全人奶同非人奶BB相比，BB未來罹患心臟血管疾病或肥胖等等嘅機會亦較低，可減低超重或肥胖症機率22%，甚至可降低糖尿病併發症機率37%。而全人奶BB死於肺炎嘅可能性喺前者15倍，死於腹瀉嘅可能性喺前者11倍。 外國亦有研究顯示，母乳餵哺嘅BB罹患疾病嘅風險較細，即使生病，佢哋嘅住院天數都比飲用奶粉嘅BB短。當BB生病嘅時候，佢哋嘅口水分泌會釋放相關物質，話俾媽媽嘅造奶機制自己生病了，令媽媽嘅母乳能夠分泌出可以對抗病菌幫BB打仗嘅乳汁。 特別喺早產、患病、黃疸嘅BB就更加需要母乳，母乳新鮮、溫度適中，可以避免飲用因沖奶粉過程中而出現嘅病菌感染，大大減低早產BB出現壞死性腸炎嘅風險。 4. 有助寶寶腦部發育、智力發展 母乳含有奧米加3脂肪酸（如DHA等）、牛磺酸（Taurine）等等嘅成份，可以幫助腦部及視力等發展。當BB埋身，同媽媽肌膚相親時，亦會釋放「愛的荷爾蒙」（催產素），幫助啟發BB情智，促進其腦部發展。 5. 促進BB口肌發育、提升語言能力 吸吮媽媽乳房時，BB需要運用舌頭力量去吸吮，這個動作可以訓練寶寶的口腔肌肉，減少出現牙齒咬合不正（如哨牙）。而且，口部肌肉發展良好，可減低BB日後出現鼻鼾及睡眠窒息症嘅機會，亦有助佢嘅語言發展。 6. 營養價值高並按BB需求調節 媽媽嘅身體會因應BB不同時期嘅成長需要，製造合適成分嘅人奶，俾BB最貼身、最佳嘅營養，幫助BB發育。當BB進入猛長期、吸啜更多嘅時候，母乳亦會自然分泌脂肪含量更多嘅乳汁，切合BB需求。 而日間同夜間嘅母乳分份亦有不同。研究顯示，夜晚分泌嘅母乳，當中嘅血清素同微量元素較多，有助BB入睡，可見母乳成份會按BB不同需求調節，營養價值成份非常高。 7. 增進親子關係 埋身可以促進BB同媽媽之間情感嘅交流，加強彼此連繫、親近。BB聽到媽媽嘅心跳，可以得到滿足感同安全感 8. 增強BB安全感，有益身心健康發展 埋身可滿足BB吸吮嘅本能，有助BB心理平衡及獲得安全感，亦可增加對人嘅信賴感。 

感冒、頭痛、發燒、乳腺發炎來襲，相信每個餵哺母乳的新手媽媽幾乎都會想問：可不可以服用必理痛呀？ 答案是，可以服用! ✅普通必理痛 ✅必理痛特快 上兩種配方的成份都只有 Paracetamol 撲熱息痛，亦即是BB、小朋友退燒藥的成份。特快必理痛只是藥面設計上令到人服用後可以再快速滲入血液。 ❌必理痛傷風感冒丸 至於傷風感冒時大家都常用的必理痛傷風感冒丸，由於成份除了撲熱息痛，亦含有咖啡因、鹽酸去氧腎上腺素及水合萜二醇，母乳媽媽就不適宜服用了（相信大家都不想服用後棄奶）。 ❌必理痛特效❌必理痛經痛配方 除了撲熱息痛，必理痛特效及必理痛經痛配方都含用咖啡因(Caffeine) 65毫克。由於母乳媽媽每日不宜攝取超於300毫克咖啡因，如果每次服用兩粒、服用兩次就已經相當於每日咖啡因攝取量的上限。加上，媽媽服用藥物/食物當中的咖啡因會經母乳被BB吸收，BB可能會因而容易哭鬧、不安煩躁、長時間精神清醒，因此安全起見，就不建議媽媽服用這兩個配方。如有需要服用，還是先諮詢醫生、母乳姑娘意見，及密切留意BB反應。

雙十一聽日開攞啦！好多網店都做緊大減價，身為精明消費者既小編當然唔會錯過啦！其中一個萬眾期待既一定係Mothercare，所有正價貨品78折，上年小編就趁機買左Doona三輪車，超級抵呀。不過今年Doona就因為屬於指定公價牌子，唔係正價貨品78折之列。但係唔使失望，小編精挑細選咗幾款我用過買過既好物俾大家，全部都有78折，快啲睇啱就擺入購物車啦！ BabyBjorn Bouncer Bliss BabyBjorn搖搖椅絕對係照顧初生嬰兒嘅恩物！小編媽媽係BB第二個月開始用，當BB飲完奶掃完風，悶悶地想玩下個陣，就會放佢落去，俾佢玩下玩具、聽音樂，搖下搖下。媽媽雙手就可以feel up做下其他野，泵下奶、洗下奶樽。係BB未識爬之前，BB又唔使淨係訓係床仔或者tummy time，可以坐係到搖下玩下。就算係識爬之後，如果媽媽要做家務，又要望實BB，坐係呢張搖搖椅就好安全 Calibowl防滑學習吸碗 Calibow吸碗係專利設計，吸實櫈面既力度係非常強勁，俾初學拎匙羹同叉既BB就最岩，唔使驚BB一下就飛左個碗落地又或者係Fing一Fing搞到好污糟邋遢。而且個吸碗設計可以培養BB學習自己進食。除此之外，呢個吸碗係美國製造，BFA Free，兼使用 100% 可回收的環保材質製造，好適合注重產品質素同支持環保既爸爸媽媽。 Beaba矽膠餐具套裝 小編鍾意呢Set既餐具既外觀，顏色非常之靚！ 而且有幾款顏色可以揀，男仔女仔都有靚色可以餐具係100％矽膠材料，實測試過吸係枱上面亦都非常之實，個設計同形狀都可以幫助指導BB舀取食物。 BabyBjorn矽膠加固圍兜 BB起初加固難免會食到周圍都係，BLW寶寶更加需要一個好用既圍兜！小編係朋友屋企用過，比起自己用緊個啲真係好用好多，個設計好柔軟，唔會箍到條頸，個防漏口袋又夠深，真係好方便。圍兜物料係BPA，符合歐洲及美國的塑料安全標準，亦獲得食品安全認證。最重要係馬卡龍色設計，藍色粉紅色米黃色都好BB好靚，所以小編都諗住襯減價入手！ Mini Vespa 迷你綿羊仔唔少媽媽一見就心心眼嘅玩具！平時係反斗城買都係公價，向來甚少減價，所以一有奶粉送呢個玩具做贈品就會係媽媽谷瘋傳。今次有78折買多少少野滿800蚊仲送埋貨，真係好抵！要注意既係，小寶寶冇咁快玩得，起碼要2歲以上先操控到架！ 除左正價貨品78折外，仲有唔少貨品做緊66%既清貨大減價，快啲上去睇下啦

【著數情報】萬寧網店雙十一BB展 內文附減100蚊優惠碼 各大網店的雙十一優惠開始了！今日首先到萬寧的BB慶典優惠活動，買滿$999即減$100優惠碼： SALE100 另外買滿金裝美素$1899就送很多媽媽都心心眼的綿羊仔！其他筍貨及詳情可click入看看

回澳隔離前準備 小編A早前去了澳門老家隔離 疫情關係已經差不多兩年沒回澳門了，一來見見家人，二來搞搞早已過期的證件。 由於這個時勢會去澳門隔離的人並唔多，網上也沒有很清晰的指南，加上需符合港澳兩地的規則，一開始的確讓小編A頭大。及後分別致電澳門及香港的防疫相關熱線，解決了不少問題，在此同大家分享，希望幫有需要的讀者省卻時間。 香港熱線 澳門 (+852) 2125 1111 / 2125 1122 (+853) 2870 0800 由於澳門的防疫規定需要持入24小時核酸報告，小編A一直很糾結究竟這個「24小時」的定義是由採樣抑或出報告計起？後來詳細一看，原來澳門政府有在新冠病毒陰性檢測證明要求中說明，簡單來說前一日做了檢測，之後一天過關就可以了。 *由於防疫規定不時更新，天天在變，建議大家出發前一定要參考 上的最新資訊 杜區會堂檢測 所以小編A出發前一天首先到社區會堂做檢測 ($240)，可以在這個網站預約 預約系統很易用，位置也很多，基本上每個時段都有可供預約時段。 第二天系統會用短訊發給你檢測報告的PDF，可自行打印，不用親身拿紙本報告也可以　 不過這個是瀝源社區會堂的做法。每個社區檢測中心其實都是外判運作，所以安排會有不同，建議打電話問清楚。 預約搭乘金巴 經港珠澳口岸過澳門 好，拿到報告就可以出發前往港珠澳口岸乘搭金巴。 現在乘搭金巴需要先行在網上預約，10:30開始，1個半鐘一班車，一直到晚上，每班車有38個位。 基本上你可以在前往港珠澳口岸的途中買票，因為空位很多。 預約連結： 金巴準時開車，40分鐘後終於到了久違的澳門 🙂 中間其實有個小插曲，我在過關時看到這個通告真是嚇一嚇，以為除了在酒店隔離14日之後還要留在家中做7天自我健康管理??? ( 自我健康管理即是等同居家隔離)，好在後來搞清楚是一場誤會，這個通告應是舊的，現在只是7天內不能到內地，在酒店隔離14日後不需再居家隔離7日。 過關 過關填表大約搞了一個半小時，由於我是澳門居民，可以入住指定隔離酒店400元一晚，但這個優惠價只可以入住指定酒店，不能自選酒店。 非澳門居民及澳門居民亦可以自費入住自選酒店，價錢會貴一點。…