1月14至16日 AEON百貨舉行賀歲推廣大減價，嬰兒及孕婦用品8折、超市有95折、家品/玩具/傢俬/床品/文具9折! 小編頭先去荃灣分店行過，真係超級抵呀!好多已經有折嘅BB衫，加埋額外8折，真係幾十蚊就有交易! 呢個時候買奶樽、加固餐具、飲管杯都非常之抵，因為平時最多都係會員日95折再95折，8折係aeon買到正貨，平過網店又唔使驚唔知個貨源係邊到係唔係正貨！呢個時候掃乳墊、洗奶樽液同埋奶袋就冇錯喇！ 孕媽媽仲可以買埋走佬袋、沖洗瓶，仲有就係安睡褲！今次大減價當中，樂而雅隻超薄甜夢安睡褲2片裝做特別優惠，買一送一呀，除返開平均4蚊就有一條安睡褲，絕對係大量入手價! 大家拿拿臨聽日去掃貨啦!
Omicron近日在香港爆發，除了擔心與國泰空姐空少群組、洪為民生日群組的確診或密切接觸者有接觸外，最讓孕媽們關心的莫過於陪產的安排會不會因而有變動。 的而且確，除恩恤情況外，由5號起所有公立醫院暫停特別探訪安排兩星期。 至於公立醫院陪產的安排，經bama-channel在1月8日的了解，最新的要求如下： 陪產人士必需在不少於14天內打齊兩針新冠病毒疫苗（須帶備疫苗報告） 持有48小時內的檢測報告 （由檢測當刻起計48小時）如沒有檢測報告，可購買醫院售賣機內的 INDICAID妥析快速檢測試劑進行半小時快速檢測，惟必須之後補回檢測報告 小貼士：有意陪產人士可在社區檢測中心進行自費$240檢測，檢測中心會提供核酸檢測結果證明報告正本及電子版本。 由於疫情每日都在變化，而各間醫院的政策亦可能有差異，bama-channel會盡力不時進行更新，惟資訊僅供參考，一切以醫院產房安排為準。 ———————————————————————————————-💌 即刻like https://www.facebook.com/hkbamachannel/ 💌 Follow https://www.instagram.com/hkbamachannel/ 獲得最新既面試升學資訊、著數優惠 同你一齊係懷孕同育兒路上奔跑 👉歡迎將任何有關香港本地新聞、親子育兒懷孕媽媽相關的新聞稿電郵至bamabusy@gmail.com 🥰
係媽媽谷同網上都有好多人分享要準備啲咩新生嬰兒用品，作為新手媽媽嘅小編都唔小心以為跟住個list買就一定喺必需品，又或者真喺好好用，但一用上手就發現，原來唔喺好需要⋯⋯ 小編整理咗五大中伏嬰兒用品，等新手媽媽、孕媽媽可以了解清楚再決定買唔買啦! 未生之前就以為用溫度計度岩水溫度好重要。其實開水嘅時候用自己手踭感受溫度就最準確，暖暖地其實就好ok。湊初生手忙腳亂，唔需要買多樣野到時唔使用又要拎去送走俾人 好多新手媽媽都見到人推介話要買一個初生適用嘅揹帶，小編都唔例如，見人介紹就買咗Konny。雖然佢真係好輕便，但係有個唔好處就喺好易買錯size。因為佢喺Fix size，即係你啱L size，但如果你老公/屋企人身型大隻或者細粒過你，佢哋又唔啱用。當你用生之前嘅size去買，生完後瘦咗又會唔啱用⋯⋯ 最重要嘅喺，其實你好少帶初生BB出街。除咗去打針、去健康院，冇乜特別你都唔會帶佢出街，即使去公園曬下太陽，都會係推bb車方便好多。所以，用得著嘅時間好少。 冬天幫BB換片嘅時候總會好擔心凍親BB個patpat，衝動下就會買咗個暖濕紙巾機。其實，想簡單快捷，最直接就喺用乾棉加熟暖水抹pat，唔使等部機慢慢暖，又唔驚BB對濕紙巾敏感。 當BB發燒嘅時候，媽媽對於個溫度就會好著緊，就算差0.幾都會好擔心，有時就係差個少少唔知算唔算發燒！所以如果唔肯定個探熱針準唔準確，真係會好燥底，燥自己做乜唔買部準確嘅唔使估估吓。由於探額嘅範圍都可以好大，高啲定低啲都可以有落差，用紅外線探熱器就會令媽媽多咗一個「唔知咁度係咪準」嘅擔憂。加上去睇醫生、醫院都係用耳探，探齊左右耳就可以得到一個準確嘅數據，咁不如直接買一部耳探機，唔使浪費金錢買紅外線探熱器啦！ 小編都買咗一個！但係發現初生BB嘅屎片根本一啲都唔臭，根本冇需要一個額外嘅垃圾桶。然後到咗佢加固，啲屎的確臭咗好多，但係佢一日又冇換咁多片喎⋯⋯個垃圾桶容量好大，要儲到個垃圾桶滿又要幾日，仲更加唔衛生⋯⋯如果日日清理，日日換個膠袋，除咗唔環保之外，花費都唔少，因為要買返個垃圾桶品牌特制嘅膠袋先啱用🙈
順產時大多數都會「剪開會陰」- 即會陰切開術，令寶寶更容易順利出生，及避免媽媽出現會陰撕裂傷。如果有進行切開術，以及會陰撕裂修達二級或以上，媽媽就要分外留神。 會陰傷口同開刀傷口一樣，都要小心護理，尤其惡露未清時，唔小心護理，萬一發炎就令到生產後元氣未恢復嘅媽媽更辛苦了。除咗沖洗瓶，其實仲可以準備唔同物品幫助護理傷口 1. 使用生理沖洗瓶 生產後直到惡露完之前，每次如廁或者更換衛生巾、安睡褲嘅時候，都要用熟水裝入沖洗瓶內，沖洗乾淨再抹乾會陰部位保持乾爽，避免細菌感染。 2. 勤換產婦衛生巾或安睡褲 一定一定要勤換產婦衛生巾或安睡褲，千祈唔好等到衛生巾濕透先換或者流量少就長時間用同一塊巾，唔勤換衛生巾會很容易受感染! 2. 使用高錳酸鉀藥液（灰錳氧）浸藥 除咗坐水泡之外，其實醫生都會開一隻浸傷口嘅紫色藥水 「高錳酸鉀藥液」（又名灰錳氧）俾媽媽浸傷口。灰錳氧有殺菌作用，通常用於坐浴或者浸洗，對患處有收斂、清潔及消毒作用。為方便傷口已經痛嘅媽媽浸藥，媽媽可以準備定一個乾淨嘅浸藥盤，大小要足夠俾自己坐到落去咁大，媽媽每日坐喺個盤度浸傷口2-3次，會陰傷口會復原得快啲靚啲。 由於灰錳氧可能會令衣物、皮膚、指甲或毛髮染色，亦會染到顏色喺個盤到，所以買一個普通嘅盤就夠啦，唔使靚盤！ 浸藥用法．按指示稀釋後方可使用。 ．除非醫生另有指示，可將 2 公升温水及 5 毫升灰錳氧藥液 4% 加入適合用作浸藥嘅盤內，然後攪拌均勻。稀釋後藥液應為粉紅色或粉紫色。 ．坐喺盤內浸泡患處約 10 分鐘，再用毛巾抹乾。 ．每日可浸2-3次。 4. 坐水泡、咕𠱸或中空椅 坐水泡、中空椅或者咕𠱸都可以減輕對會陰傷口處嘅壓迫。如果屋企真係冇任何水泡、坐墊，都可以打側少少坐，慢慢坐，令到傷口減少受壓都可以減輕痛楚。千祈唔好企太耐，以免造成對會陰患處造成壓力加重傷口痛楚。 5. 攝取充足水份、高纖蔬果及高蛋白質食物 產後腹壓減低，加上傷口疼痛，便秘同痔瘡都好常見。多飲水、食高纖蔬果有助減輕便秘及如廁用力對會陰或腹部傷口造成嘅疼痛 增加攝取高蛋白質及高纖食物，都有助促進傷口嘅癒合架!
媽媽入院待產、正式分娩到媽媽出院嘅時間可長可短，順產嘅話短則喺產後24小時就可以出院，開刀就少不免要留院三日兩夜。 爸爸除咗陪產、到醫院探媽媽同BB，整理好所需物品迎接BB出院，更重要當然喺準備好接老婆出院，照顧好剛剛生完身體虛弱嘅老婆，幫佢坐月啦！ 【順產】預備傷口護理用品 唔只喺開刀傷口要小心，其實順產嘅會陰傷口都一樣要好小心。順產一般會出現陰道撕裂傷，或者剪會陰留下嘅傷口。除咗坐水泡之外，其實可以叫醫生開一隻浸傷口嘅紫色藥水，媽媽每日坐喺個盤度浸傷口，傷口會復原得快啲靚啲。爸爸可以準備定一個乾淨嘅浸藥盤，大小要足夠俾媽媽坐到落去咁大。由於藥水顏色好深會留有色痕喺個盤到，買一個普通嘅盤就夠啦，唔使靚盤。 處理惡露嘅沖洗瓶、大量M巾都喺必須，如果未買夠，爸爸就要把握時間去買啦！ 【開刀】預備傷口護理用品 用束腹帶保護開刀傷口喺非常重要，如果媽媽冇事前準備好，爸爸就一定要即刻去買俾老婆喇！最好就準備定乾淨棉花、生理鹽水，如果要輕輕清潔傷口，都唔怕冇所需物資。 坐月期間必備物品 就算有請陪月姨姨都好，爸爸都可以留意返屋企/陪月姨姨有冇準備定足夠嘅薑皮煲薑水俾媽媽用放薑水嘅盤啦、熱水煲等等。 喺屋企都應該準備好暖壺，方便將煲好嘅湯水、滴雞精、滴肉汁擺入暖壺，唔使煲好但媽媽未得閒飲就凍咗。 仲有當然喺暖水壺，坐月最好就喺飲暖水，或者按身體狀況而適量飲炒米茶，有一個暖水壺就方便媽媽隨時飲水! 同公司請定假、交接公事 都話入咗醫院待產，即喺就快生得/已經生得啦。爸爸仲唔同公司請定假？咁當然都唔喺話請就請，拿拿臨安排好手頭上工作，定好每個工作嘅交接人，同埋set定email auto-reply話哂要幫手湊初生BB，真喺唔喺話想接電話、覆email就做到，安排好哂就唔驚公司有urgent野又搵唔到人幫手啦！ 即刻like https://www.facebook.com/hkbamachannel🐣 Follow https://www.instagram.com/hkbamachannel/ 獲得最新既面試升學資訊、著數優惠同你一齊係懷孕同育兒路上奔跑
媽媽入院待產、正式分娩到媽媽出院嘅時間可長可短，順產嘅話短則喺產後24小時就可以出院，開刀就少不免要留院三日兩夜。 爸爸除咗陪產、到醫院探媽媽同BB，亦可以把握時間喺屋企整理好所需物品迎接BB。 爸爸有以下三件事必須要做： 第一件事：清洗BB衣物、床單 BB衫、床單買返嚟之後可能未拆封，又或者洗過一次放好係櫃。照顧初生BB萬事要小心，最好都係趁BB就返屋企依幾日，再一次用BB洗衣液洗好bb衫、bb床單毛巾、奶巾，再曬一曬太陽就Perfect喇! 第二件事：準備BB清潔用品 幫初生BB清潔喺重中之重，所以所有衛生用品都要準備好放係一個架或者盒上面，BB一返到屋企就可以用喇！爸爸可以洗乾淨個沖涼盤同一個小面盆for抹面仔、買好尿片patpat膏同濕紙巾。 唔少得嘅一定係洗好蒸奶樽機、奶樽、泵奶器，蒸一次個蒸奶樽機，開定洗奶樽液同洗奶樽掃，有一個消毒好嘅容器/膠盒裝消毒好嘅奶樽。準備好BB一返嚟所有野都係用得，媽媽未上奶都有奶粉候命，有奶奶食！ 第三件事：安排好迎接BB出院物品 醫院始終多菌，出院前梗喺要幫BB換套乾淨靚衫返屋企啦所以爸爸要準備好一套乾淨BB衫帶去接BB出院，仲有防疫帽、包被包實BB然後就睇下爸爸媽媽喺自己揸車定坐的士Uber啦自己揸車就可以放BB係carseat，事前爸爸一定要研究好點安裝carseat，咁就唔怕到時手忙腳亂。如果選擇手抱BB，就最好用包被包實咁攬實佢，安全至上！ 即刻like https://www.facebook.com/hkbamachannel🐣 Follow https://www.instagram.com/hkbamachannel/ 獲得最新既面試升學資訊、著數優惠同你一齊係懷孕同育兒路上奔跑
